लोकनेते रामशेठ ठाकूर यांच्या वाढदिवसानिमित्त रविवारी मोफत आर्सेनिक अल्बम ३० होमिओपॅथीक गोळ्यांचे वाटप
पनवेल(प्रतिनिधी) माजी खासदार लोकनेते रामशेठ ठाकूर यांचा दिनांक २ जून रोजी वाढदिवस आहे. त्यानिमित्ताने भाजपच्या नगरसेविका नेत्रा किरण पाटील यांच्यावतीने रविवार दिनांक ३१ मे रोजी सकाळी १० वाजता ओवे कॅम्प येथील रहिवाशांना मोफत आर्सेनिक अल्बम३० होमिओपॅथीक गोळ्यांचे वाटप करण्यात येणार आहे. फिजिकल डिस्टन्सचे नियम पाळून होणाऱ्या या कार्यक्रमाला पनवेल महानगरपालिकेचे सभागृह नेते परेश ठाकूर उपस्थित राहणार आहेत.
लोकनेते रामशेठ ठाकूर हे रयत शिक्षण संस्थेचे माजी विद्यार्थी आणि रयत शिक्षण संस्थेच्या मॅनेजिंग कौन्सिलचे सदस्य आहेत. त्यांना कर्मवीर भाऊराव यांची शिकवण असल्यामुळे ते नेहमीच समाज हिताचे कार्य करत आले आहेत व त्याला अनुसरूनच त्यांच्या शिकवणी नुसार त्यांच्या वाढदिवसाच्या निमित्ताने जनसेवा हीच ईश्वरसेवा आहे हा बोध घेत खारघर येथील ओवे कॅम्प येथील रहिवाश्यांना रोगप्रतिकार शक्ति वाढावी, यासाठी आयुष मंत्रालयाने सांगितल्या प्रमाणे आर्सेनिक अल्बम 30 या होमिओपॅथीक गोळ्यांचे मोफत वाटप करण्यात येणार आहे.
Comments
Post a Comment